ثورة الفن العربي (1)

يعتبر الفن العربي من ارقي الفنون في العالم خاصة الغنائي منها ولكن هل استطاعت ام كلثوم وعبحليم وفريد الاطرش توريث هذا الفن للاجيال التي تلتهم؟ الجواب طبعا نعم والدليل هو ما نراه ونسمعه هذه الايام من فن طربي اصيل. وبوجود نخبة من الفنانين على الساحة الغنائية اكد العرب انهم من رواد الفن الغنائي.

لعاد خلينا نشوف ثورة الفن العربي مع بعظ !
في كثير اغاني اثرت علينا في الفترة الاخيرة بس في كثير منها ما قديرنا نعرف المقصود منها وهساعيات خلينا نتذكر كم اغنية مع شرحها.

- اخصمك اه اسيبك لا : تاكيدا للمصطلح الدارج Friends كانت هذه الاغنية فتقول المغنية انو انا رح اخاصمك يعني بديش اياك بس في نفس الوقت في كمن مصلحة ما بتخليني اسيبك عشين هيك "حتفضل حبيبي الانا بهواه".

- حاول تختر بيني وبنها حاول حاول : يعني سايق عليكي النبي يا ابن الحلال يا بظلك معي يا بتروحلها عشان انا وحدة بدور على السترة "مش جاكيت يعني" وبديش اظلني معلقة وبتعرف يا ابن الحلال حكي الناس كيف "احسن تزلمني و تزلمها حاول حاول" ومن الواضح انو المطربة ما بتحب تكون على ضرة "اما لوحنا معاك التنين انت مفيش عندك قلبين".

- ليك الواوا بوس الواوا خلي الواوا يصح : من الواضح انها دعاية لزيق جروح جديد ومكفول لانو "بعد ما بست الواوا شفتو صار الواوا بح" وفي نفس الوقت دعاية صوبة "انا من دونك انا بردانه اح"

- بحبك يا حمار : من اروع الاغاني حقيقة ومن اعذب الالحان وتذكرنا بمخلص صديق الحيوان وتصلح كشعار لجمعية الرفق بالحيوان.


- العنب العنب العنب : من اروع الاغاني التي تصلح لافتتاح محلات الخضار والفواكة وتكمن متعة الاغنية في وصفها لانواع العنب تقول العنب موديل سنتو واول مرة بنعرفو.

- خمس صبايا حد العين وحدة منهم محبوبي : من الواضح ان المغني نظرو خفيف ومش قادر يميز حبيبتو اللي واقفة مع اربع صبايا عند العين واللي شعرها خروبي.

- تلفوني رن اه اه : طب وحنا مال اهلنا اذا رن تلفونك ولا ما رن وفي نفس الاغنية يقول المغني "واللي ردت اه يا عيني صوتها احن" احن من شو بالزبط من رنة التلفون يعني اذا خالي خميس صوتو احن ما بالك بنت !

- انا بكره اسرائيل : دليل واضح ان المغني بكره اسرائيل لدرجة "انشالله اموت اتيل او اخش المعتئل" الزلمة مش سائل تقول احنا اللي بنحب اسرائيل اي صارلنا 50 سنة بناقش فيها ما نحلت حتى لو "حبطل السجاير واسير انسان جديد ومن اول يناير خلاص حشيل حديد" ما ظنيت تنحل.

هاظ كان بارط 1 يعني الجزء الاول.